SMV IgG antijismlarini aniqlash

Qonni Anti-CMV IgG ga tekshirish odamning o’tmishda sitomegalovirus bilan kasallanganligini aniqlab beradi.

Infeksiyaning xususiyatlari

Sitomegalovirus infeksiyasi 5-toifali gerpes virusidan kelib chiqadi. Aholining 90% SMV tashuvchilari hisoblanadi va shuning uchun klinika yo’qligida ham ularning qonida IgG aniqlanadi. Oddiy immunitetga ega bo’lgan sog’lom odamda infeksiya asemptomatik bo’lib, hujayralar ichida yashirin («uyqu») shaklda abadiy qoladi. Biroq, kasallik fiziologik immunitet tanqisligi fonida jiddiy sog’liq muammolarini keltirib chiqarishi mumkin: hayotining birinchi 3-5 yoshidagi bolalar, homilador ayollar – ko’pincha 2 va 3 trimestrlarda, shuningdek, tug’ma yoki orttirilgan immunitet tanqisligi bo’lgan insonlarda: OIV infeksiyasi, immunosupressantlardan foydalanish, onkogematologik kasalliklar, radiatsiya, diabet va boshqalar.

Sitomegalovirus turli biologik suyuqliklar orqali yuqadi: so’lak, siydik, sperma, qon. Shuningdek, homiladorlik, tug’ish yoki ovqatlantirish paytida onadan bolaga.

Homilador ayollarda sitomegalovirus infeksiyasi, homiladorlik davrida tekshirish

Ayol o’tmishda SMV bilan kasallangan yoki kasallanmaganligini bilishi muhim, chunki bu homiladorlikning asoratlari xavfi mavjudligini aniqlaydi. Agar u ilgari yuqtirib olingan bo’lsa, unda xavf minimaldir. Homiladorlik davrida eski infeksiya kuchayishi mumkin, ammo uning bunday shakli odatda jiddiy oqibatlarga olib kelmaydi.

Agar ayol kishi hali SMV bilan kasallanmagan bo’lsa, unda u xavf ostida va u sitomegalovirus infeksiyasining oldini olishga alohida e’tibor berishi kerak. Homiladorlik davrida bolaga infeksiyaning aynan birlamchi yuqishi xavflidir.

Tananing sitomegalovirus bilan infeksiyalanganlik ehtimolini aniqlash, o’tkir infeksiya xavfini baholash va birlamchi infeksiyani aniqlash maqsadida quyidagi testlardan foydalanish tavsiya etiladi: qon zardobida anti-CMV-IgG va anti-CMV-IgM, PZR metodi orqali virusli DNK ni aniqlash.

SMV infeksiyasi bolaning rivojlanishi uchun potentsial xavfli deb hisoblanadigan TORCH infeksiyalari (toksoplazmoz, qizilcha, sitomegalovirus va gerpes) guruhiga kiradi. Eng yaxshisi TORCH infeksiyasiga laboratoriya tekshiruvidan rejalashtirilgan homiladorlikdan 2-3 oy oldin o’tish tavsiya etiladi. Bu zarur davolovchi yoki profilaktika choralarini ko’rishga imkon beradi va homiladorlik paytida tekshiruv natijalari bilan taqqoslash nuqtasi bo’lib xizma

Tahlilning tavsifi

IgG – bu klinik ko’rinishlar davrida sitomegalovirus infeksiyasiga javob sifatida paydo bo’ladigan antijismlar (immunoglobulinlar). Kasallikning boshlanishida, immunitet tizimi virusni tan olishni «o’rganayotgan» paytida, G sinfidagi immunoglobulinlar past avidlikka ega. Ya’ni, ular virus parchalarini tezda tanib olish va bog’lash qobiliyatiga ega emaslar. Ammo bir muncha vaqt o’tgach, infeksiya bilan tezroq kurashadigan o’ziga xos antijismlar ishlab chiqarilishi boshlanadi. Ular yuqori avidli antijismlar deb ataladi. Bunday immunoglobulinlarning mavjudligi infeksiyaning uzoq vaqt oldin yuqtirib olinganligini ko’rsatadi.

Sitomegalovirusga qarshi G sinfidagi antijismlarni aniqlashga qo’llaniladigan tahlil joriy yoki o’tgan yuqumli jarayonning mavjudligi yoki yo’qligi, shuningdek, kelajakda birlamchi infeksiya va o’tkir SMV infeksiyasining potensialini aniqlash imkonini beradi.

Sitomegalovirusga (Ig G) g sinf antijismlarini aniqlash usuli

Sitomegalovirusga qarshi G sinf antijismlarini immunoxemilyuminestsent usuli (IXLA) bilan aniqlash.

Tekshiriladigan biomaterial

Och qoringa olingan venoz qon.

Sitomegalovirus kim uchun xavfli?

• Agar ona homiladorlikning birinchi haftalarida infeksiya yuqtirib olsa, sitomegalovirus bolaning hayoti va homilaning rivojlanishi uchun xavflidir.
• Organ transplantatsiyasi yoki immunosupressiv terapiyadan so’ng, virus immuniteti zaif insonlarda og’ir kasalliklarga olib kelishi mumkin.
• Infeksiya OIV bilan kasallangan insonlar uchun xavflidir.

Sitomegalovirusga qarshi IgG antijismlarini miqdoriy aniqlash qanday?

Sitomegalovirusga qarshi antijismlar miqdorini aniqlash immunitet xotirasi mavjudligini aniqlab beradi. Bu shuni anglatadiki, virus tanada yashaydi, ammo hech narsa kasallikning dinamikasini ko’rsatmaydi. Infeksiyaning davomiyligini aniqlash uchun aynan antijismlarning avidligi aniqlanadi.

Nima uchun antijismlarning avidlik darajasini aniqlash kerak?

Homiladorlikning boshida sitomegalovirus homila uchun xavfli bo’lganligi sababli, homilador ayolda antijismlar topilsa va oldin tahlillar o’tkazilmagan bo’lsa, infeksiya qancha vaqt oldin yuqtirib olinganligini bilish kerak. Agar antijismlar avidligi yuqori bo’lsa, ayol homiladorlikdan oldin infeksiyalangan va virus chaqaloqqa xavf tug’dirmaydi. G sinfidagi immunoglobulinlarning avidligi past bo’lsa, infeksiya yaqinda yoki homiladorlik paytida yuqtirib olingan. Mutaxassisning qo’shimcha tekshiruvi va nazorati talab qilinadi.

Homiladorlikdan oldin TORCH infeksiyasiga tahlillar — bu nima?

Bolaning sog’lom tug’ilishi uchun homiladorlikni rejalashtirish bosqichida tekshiruvdan o’tish muhimdir. TORCH infeksiyalariga tahlil qilish homila uchun xavfli bo’lgan kasalliklar guruhining tashxisidir: toksoplazmoz, qizilcha, sitomegalovirus va gerpes. Bunday informatsion kompleks testni bizning markazimizda ham o’tkazish mumkin.

Homiladorlikdan oldin sitomegalovirusning mavjudligi yomonmi?

Yo’q. Aksincha, ayolning infeksiyani ilgari yuqtirganligi, immunitet allaqachon tanada shakllanganligini va virus homila uchun xavfli emasligini anglatadi.

Homiladorlikdan oldin ayolda sitomegalovirus aniqlanmagan bo’lsa-chi?

Bu shuni anglatadiki, homiladorlik paytida o’ta ehtiyot bo’lishi va infeksiyani yuqtirmaslik uchun kundalik hayotda va jinsiy aloqada shaxsiy gigienaga qat’iy rioya qilishi kerak.

Adabiyot

1. Kattalardagi yuqumli mononuklyoz.
2. Klinik ko’rsatmalar. «Milliy infeksionistlar ilmiy jamiyati» notijorat hamkorligi. 2014.
3. https://www.mayoclinic.org/diseases-conditions/cmv/diagnosis-treatment/drc-20355364.

• Tekshirishdan 4 soat oldin ovqatlanish mumkin emas.
• Suv ichish mumkin.
• Tekshirishdan bir kun oldin chekish mumkin emas, shuningdek, intensiv jismoniy faoliyatni istisno qilish kerak.

Odatda, sog’lom insonlarda SMV infeksiyasi asemptomatikdir va test topshirishni talab qilmaydi. Noma’lum sabablarga ko’ra yoki boshqa o’ziga xos ko’rsatkichlar bo’yicha betob bo’lib qolgan holda, shifokor tahlilni buyurishi mumkin.

• Homiladorlikni rejalashtirish.
• Homilaning tushishi.
• Homiladorlik davrida, agar test oldin topshirilmagan bo’lsa.
• Bolalardagi atipik pnevmoniya.
• Jigar transaminazalari darajasining oshishi.
• Kelib chiqishi noma’lum bo’lgan davomiy isitma.
• Ko’p qon quyishdan keyin infeksiya yuqtirib olganligiga shubha.
• Qon va organlar donorlari.
• Immunosupressiya, OIV infeksiyasi, sitostatiklarni qabul qilish.
• SMV infeksiyasi belgilari mavjud bo’lgan insonlar – to’r parda yallig’lanishi, nevrologik kasalliklar, yo’g’on ichak va qizilo’ngachning yallig’lanishi.

Birlamchi infeksiya

IgG: yo’q, IgG avidligi: past — 40 dan kam.

Og’irlashishi

IgG: mavjud, soni ortadi, IgG avidligi: yuqori — 60 dan ortiq.

Ilgari yuqtirib olingan infeksiya

IgG: doimiy darajada 1,1 U / ml dan yuqori, avidlik: yuqori — 60 dan ortiq.

Infeksiya topilmadi

IgG aniqlanmadi.

Yana qanday tahlillar SMV mavjudligini ko’rsatib bera oladi?

Shifokor so’lak, siydik, qon, urogenital yoki orofaringeal qirib olingan biomaterialga PZR testini buyurishi mumkin. M sinfidagi immunoglobulin (IgM) mavjudligi ham tekshiriladi.